نبذة عن البرنامج:

اسم البرنامج مش مترتب غلط ،أيوة النهاية دايما قبل البداية .. مع إن في كل حدوتة البداية في الأول مرورا بالأحداث .....حتى النهاية، لكن في كل حلقة من حلقات برنامجنا هانبدأ من بعد النهاية، بعد نهاية الحدوتة اللي شوفتها بنفسك ،أو سمعت عنها أو يمكن حد حكهالك ..هانبدأ من بعدها نتكلم ..ندردش ونتعلم..نعرف أكتر عن حياتنا وعلاقتنا..ناخد عبرة ..نصيحة ويمكن نوصل لقرار ..وبمجرد ما نوصل لنهاية كل حلقة من حلقات برنامجنا، هاتبدأ انت وانتي تفكروا في الكلام ...جايز وممكن جدا بعد نهاية كل حلقة تكون بداية جديدة واستفادة،وبداية تغيير .تابعونا كل يوم خميس مع قصة انتهت ع الشاشة لكن ابتدت بشكل مختلف في كل حلقة من حلقات برنامجنا..مسلسل أو فيلم ..أبطال واحداث..حوار وتفاصيل كل يوم خميس من ٥ ل٦ مع سارة مايكل على راديو سما الهدف : بنركز دايما انه المسلسل أو الفيلم وصل لآخره وخلاص ..لكن بعد نهاية اي فيلم أو مسلسل بتبقى فرصة وبداية للتفكير ..التفكير في حياتك وعلاقاتك، يمكن تكون شبه واحد من الأبطال ،ويمكن ربنا يكون بيكلمك من خلال مشهد أو حتى جملة من الحوار .