(1) بالحكمه إنت وحدك
ماسك زمام الأمر
كل الخيوط في يدك
وأمين بطول العمر
ليك الكلمه الأخيره
مهما قالوا في كلام
عالي وإيدك قديره
قلبك مليان حنان
(2) صالح إنت ومحسن
صالح بطول العمر
وفي سترك إنت نسكن
مهما السنين بتمرّ
مهما الظروف تعاند
وان مرِّت الأزمات
تفضل بتقود وساند
في أصعب الأوقات
(3) ما بتدِّي إلا الخير
مهما المشهد ظلام
كله بأمرك يصير
دي وعودك مش كلام
تفاصيل العمر عندك
وحاسبها بالإتقان
وحياتي هي ملكك
حبك أفضل ضمان
(4) إديني عينين تشوفك
وتصدق بالإيمان
دا ما فيش أمر يفوتك
وفي ايدك السلطان
يا حبيبي ساعدني أشكر
وأسلِّم واسترِيح
واخضع لك ربي واصبر
انت حكمك صحيح
(5) يتبعني خير ورحمه
دايما وفي كل يوم
إكليل إحسان ورأفه
فوقي دايما يدوم
وانا تايه بتراقبني
وبترثي لكل ضعفي
تشفع لي وتعالجني
وبنعمه ترد نفسي