يا رب يا واحة وراحة لكل التعبانين
يا نور وشمس ودفء في قلوبنا البردانين

أشرق علينا يا رب يا منارة التائهين
ده البحر هاج وفي ليلة احتاروا الملاحين

يا بحر يا هايج مجدافي مش قدك
بس اللي قدك “معايا” في مركبي ساكن
يقدر يعليني على موجك ما هو ربك
يقدر كمان وبكلمته تصير ساكن

رب السماء والأرض والأكوان
وليك قدرة تهدي الحيارى سكة الأخطار
ولو تاهوا لكن مالوا على بابك
تقدر تبدل ليلهم الحالك بنهار