قالوا عندي فراغ .. ف اكتر وقت كنت مليانة فيه ..

قالوا كئيبة اوي! ف اكتر وقت كنت بس موجوعة و محتاجة حد يحتوي الوجع ده ..

قالوا دي فاشلة .. ف اكتر اوقات انا كنت فيها بحاول اطلع و لو سلمة واحدة ..

قالوا دبش و غبية .. ف اكتر وقت انا كنت تعبانة و للاسف تعبيري عن التعب كان غلط مش اكتر ..

قالوا ضعيفة .. ف اكتر لحظات معافرتي عشان بس اقدر اكمل! ..

قالوا دي بعيدة عن ربنا و مستواها مش عميق! ف اكتر وقت انا كنت فيه عايشة ف جمال معاه و بحاول ف كل وقعة!

قالوا عيلة صغيرة .. مع ان الحمل اللي كنت شايلاه كان اكبر مني بكتير…..

هاجموا ف اكتر وقت كانت التهويشة حتي بتجرح!

بس الحقيقة ان مش هي دي الحقيقة!

دي نظرتهم بس .. لكن مش الواقع بتاعي .. مش حقيقتي اللي اتخلقت عليها ..

مافي مجدي