“افرزوا علاقاتكم “

العلاقات دايما بتسبب مشاكل .. لان حياتنا كلها عبارة عن علاقات.

علاقات بناس قريبة .. علاقات بناس بعيدة .. علاقات عابرة .. علاقات حب .. علاقات خاصة مميزة.

الطبيعي اننا بشر .. و نملك عواطف و لازم هيكون في ناس قريبة منا و ناس بعيدة ..

المشكلة هنا انك تعرف حدودك مع اللي قدامك و تميز هل انا في المرتبة الاولي عنده و لا لا .. علشان ميكنش في عشم بزيادة و في الاخر تتحرج و تنجرح .. و بجد لو فهمنا علاقاتنا ببعض و اختبرناها هنرتاح و نلغي كلمة عشم من حياتنا.

لانها كلمة مريضة .. هو انت ليه حاطط رجائك في الناس ؟

اللي قدامك ده بشر له ظروف و حياة ممكن يقدر يساعدك و ممكن لا .. شئ طبيعي جدااا .. ليه بتزعل ؟ انت بردوا معرض لانك في يوم هتقدر تساعد او لا !!

عموما العلاقات القائمة علي المصالح و المجاملات بتبقي فاشلة و هشة ..

العلاقات اللي قائمة علي الاخذ فقط دون العطاء بتنتهي سريعا لان الطاقة بتخلص للشخص اللي بيعطي.

افرزوا علاقاتكم .. و متحطوش رجاء في حد غير الله.

علشان متتعبوش ..

ديفيد عادل