(ق) لولا النعمة ما كنت أشوفك
ولا كان ليا مكان فى سماك
أنا مديون لك ربى بعمرى
يا اللى فديتنى بسفك دماك
(1) ما انساش أصلى كنت انا عاصى
طول أيامى وكلى معاصى
ضربة طرية فى كل كيانى
من رجليا لهامة راسى
(2) ياما حاولت وكنت باحاول
أجد الراحة ما كنتش طايل
عشت فى وهم سنين خدعتنى
شهوة عينى في عالم زايل
(3) نعمة غنية أتجهت ليَّ
فكِّت نفسى من العبودية
لما نادانى يسوع ودعانى
فى الحال قلبى تغير فيَّ
(4) نعمة تكفى طول الرحلة
من بدايتها لحد لقاك
ماشية معايا بكل عناية
لحد ما تجى تاخدنى معاك